ព្រៃវែង៖ ក្មេងស្រីអាយុ១៤ឆ្នាំម្នាក់ ត្រូវយុវជន២នាក់ បោកបញ្ឆោតអោយឡើងជិះម៉ូតូថាជូនទៅផ្ទះ តែពេលដល់ព្រៃស្ងាត់ក៏ចាប់រំលោភបូករហូតបានសម្រេចទាំង២នាក់។
ករណីនេះ បានកើតឡើងកាលពីវេលាម៉ោង៧ និង ៥០នាទី យប់ថ្ងៃទី១៥មេសា ដែលជាថ្ងៃចូលឆ្នាំទី២ នៅក្នុងព្រៃ ខាងលិចភូមិព្រៃតាព្រំ ក្នុងឃុំព្រាល ស្រុកកញ្ជ្រាច ខេត្តព្រៃវែង។
សមត្ថកិច្ចបានឲ្យដឹងថា ក្មេងស្រីរងគ្រោះមានឈ្មោះ ភារ៉ា នីតា អាយុ១៤ឆ្នាំ មានទីលំនៅក្នុងភូមិ-ឃុំ-ស្រុកកញ្ជ្រាច ខេត្តព្រៃវែង ចំណែកយុវជនជាជនសង្ស័យ ទី១ឈ្មោះ រុន ភារិទ្ធ អាយុ១៨ឆ្នាំ ទី២ឈ្មោះ ឡុប ស៊ីណែត អាយុ១៨ឆ្នាំ អ្នកទាំង២មានទីលំនៅក្នុងឃុំព្រាល ស្រុកកញ្ជ្រាច ខេត្តព្រៃវែង។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ យុវតីរងគ្រោះបានដើរទៅលេងកម្មវិធីចូលឆ្នាំដែលគេរៀបចំនៅក្នុងភូមិ ហើយពេលយប់ងងឹតក៏ដើរមកផ្ទះវិញតែម្នាក់ឯង។ ពេលដើរមកដល់ពាក់កណ្តាលផ្លូវ ស្រាប់តែយុវជនជាជនសង្ស័យទាំង២ បានជិះម៉ូតូមកដល់ ហើយក៏ហៅយុវតីរងគ្រោះអោយឡើងជិះម៉ូតូ ដោយប្រាប់ថា ចាំពួកគេជូនទៅផ្ទះ ដោយគិតថាជាអ្នកស្គាល់គ្នា នៅភូមិជិតគ្នា នាងក៏ជឿជាក់ហើយឡើងជិះម៉ូតូជាមួយ ស្រាប់តែមកដល់ខាងលិចភូមិ យុវជនទាំង២បានជិះម៉ូតូចូលព្រៃ ហើយធ្វើសកម្មភាពចាប់នាងរំលោភរហូតបានសម្រេចទាំង២នាក់ រួចហើយទើបដឹកនាងមកទំលាក់ក្បែផ្ទះ ហើយក៏ជិះម៉ូតូទៅបាត់។
ប្រភពដដែលនេះបានបន្តថា ពេលមកដល់ផ្ទះ យុវតីរងគ្រោះបានរៀបរាប់ប្រាប់ឪពុកម្តាយ ទើបផ្អើលនាំគ្នាទៅដាក់ពាក្យបណ្តឹងនៅប៉ុស្តិ៍នគរបាល រហូតឈានដល់ការចាប់ឃាត់ខ្លួនយុវជនទាំង២នាក់បាន នៅយប់ថ្ងៃដដែលនោះតែម្តង។
បច្ចុប្បន្ន យុវជនទាំង២នាក់ ត្រូវបានឃាត់ខ្លួននៅអធិការដ្ឋាននគរបាលស្រុកកញ្ជ្រាច ហើយសមត្ថកិច្ចកំពុងកសាងសំណុំរឿង ចាត់ការបន្តទៅតាមនីតិវិធី។
